قصيدة الحب الصادق الخالد

تكبر قام يسألني من أنت تكون يا أنسان
وكيف تكون لك جرئة تحط عيونك بعيني
صبرت وقلت لو تسمح دقايق وقتها قد حان
وأنا أترجاك تسمعي وتعرف كل ما فيني
أنا ليل طواه الهم وفجره لا شر ما بان
وظلمه زايده عنها ولا نور يضويني
أنا بحر عميق القاع وموجه يشبه الطوفان
ولا به زورق يرسى على سطحي يسليني
أنا عمر ولحظاته قسى وهموم مع كتمان
كتمت الجرح في قلبي وناره حيل تكويني
عطيتك كل ما أملك وما يغلى لعينك هان
أبيك تكون لي وحدي حبيب ما تخليني
بنيت بداخلي قصر وأبي تكمل البنيان
لقيتك هادم قصري وساسه بدل بطيني
يهل الدمع من عيني إلا شفتك عليا زعلان
وأدور كل ما يرضى ضميرك يا معذبني
بكيت ودمعتي سالت على خدي من الهجران
بدل ما تمسح دموعي تزيد الدمع في عيني
أنادي جفت شفاتي أبيك تحس بي ضميان
عديم إحساس ما ترحم ما عاد يفيد تسقيني
ما عاد أبي قربك محبة ولا سلوان
بدل ما تبري طعوني بسكينك تعاديني
نهاية حبنا بانت أبرحل في عالم النسيان
حلفت أنساك يا خلي ما عاد أبيك تطريني
أنا بي كرامة وصعب أنك تذل أنسان
يصون العهد في حبك خسارة طحت من عيني
أنا ما خون يا خاين وحبي ما عرف نقصان
أنا شخص يحبك حيل إذا با الود تعطيني

» قصيدة الحب الخالد
» الحب الخالد
» الحب الصادق
» خـــــــــــــــواطر الحب الصادق
» الحب الصادق