قصيدة الحب الخالد

$$(الحب الخالد)$$

انا ما اخطيت في حقك ولكن الكلام عتاب

أعاتب والعتب كلمة تفسرها معانيها

اعاتب واحسب بهرجي الا مني حكيت حساب

وكلمه يستحي منها لساني يبتدى فيها

واذا انت من العتب تزعل علينا وابتصك الباب

ترى ما نيب قاصدها ولاني فيك ناويها

ولا ودى على الفرقا وقلبي داخلي مرتاب

اشوف ان الهوى خدعة واشوف القلب راضيها

واشوف ان الهوى فرقا مواليف وعناد احباب

واشوف ان الجفا خطوة ولاني قادر اخطيها

وقلبي لو عشق يخلص ولو طالت عليه رقاب

وتشهد له دروب الحب حاضرها وماضيها

عشقنا والهوى حسرة،مشينا ولاأمل كذاب

بدينا نانبني منها قليل من بلاويها

عرفت الحب من عمري صغير بالغرام وشاب

وقلبي للحبيب اكبر من الدنيا وما فيها

صحيح انى نويت ابعد ولكن الهوى غلاب

وهي رحلة بديت بها ولا ادري كيف بنهيها

تحريتك شروق الشمس وشفتك للشروق غياب

ولا اضنك تبيع العشره اللي كنت شاريها

بقى لي بالهوى نظرة وتغريبة ودمع اهداب

وقصة بترك لسانك على العذال يرويها

واناجي باقي حروفي وبألف للفراق كتاب

قصايد تملي اوراقي ارددها واغنيها

واذا مرتني الذكرى وجرحي بالحشا ما طاب

بتبعدني وتدنيني وببعدها وابدنيها

وانا عيب علي اشكي من الدنيا بدون اسباب

مدامي ما خذا منها يجيني يوم واعطيها

» قصيدة الحب الصادق الخالد
» الحب الخالد
» ليـــس من يتكلم عن الحب ... كمن يتألم من الحب.
» قصيدة عتاب لمن باع الحب
» قصيدة من قصيدة خالد الفيصل