وداع يانت ووداع ياحب ووداع ياامير بلا مملكه

بسم الله الرحمن الرحيم


وقبل اى كلام احب اعرفكم انى عملت المنتدى مخصوص عشان نبقى مع بعض ومش يفرقنا حاجه

بس اكيد كان فى يوم هيجي ونتفرق


انا جيت انهاردا عشان اكتب موضوع مش رومانسى مش حزين ومش يفرح بردو


هوا يمكن يكون عندكم عادى بس عندى انا مش عادى

حبيت اقلكم انهاردا ان فى نفس اليوم دا بالتحديد وبنفس الساعه
كنت بحضر نفسى
السنه الى فاتت ان نفترق بسبب عمليه يمكن مكنتيش اقوم منها بس ربنا كرمنى وقمت

منها ومن شهر ورا شهر ورا شهر لقيت لسه يوم واحد عن ميعاد العمليه

كنت ناوى احتفل بيها بينكم ومعاكم

ان ربنا اكرمنى وعملتها ع خير

بس تأتى الرياح بما لاتشتهى السفن

بالعكس بدال ما اجى احتفل جيت اودعكم ع النت

احب اودع الجميع ونتلاقى ان شاء الله فى اجمل صدف واجمل تعارف تعرفته هنا

حبينا هنا بكينا هنا فرحنا هنا ضحكنا هنا واحب لو تفرقنا نتفرق هنا ع حب وع ذكره حلوه

انا بعد كام سنه ع النت طلعت بصحبه حوه بيكم قضيت وقت جميل مش اقدر انكر الوقت دا

يعنى من حوالى 10 سنين كنت بقعد ع النت مش عارف حد لان مكنش فيه اصحابى بجد

بس لما لقيتكم حسيت بالفرق حسيت انى مكنتيش عايش

اتمنى انى مكنش ذكره وحشه خلونى دايماً عند قله من القلائل ذكره حلوه لان اكيد مش كل الناس

تفتكرنى هتضحك

انا نويت اسيب النت وبلا عوده ان شاء الله وربنا يقدرنى السبب عشان اقول دا

انى حبيت اديكم فكره عن تاخيرى يمكن مش ادخل تانى

سبب انى ابعد بقى دا شخصى وحساس شويه بس ان شاء الله هكون بخير وانتم كمان هتكونو بخير


اما بمناسبه الاسم الى يحب ياخد مكانى يدخل يكلمنى ع الميل وانا اديله الباص وورد

والاسم هوا يغيرو للى يحب ياخد المنتدى ودى رساله لااى حد

ولو حبيتو تحذفوه احذفوه

بالتوفيق ليكم وربنا معاكم

وسلامى لكل من هنا ومن هناك الى شاف رسالتى والى مشفهاش

تحياتى امير بلا مملكه