كفـــــايـــــة

كفايةوعود ........كفايه عهود
كفايه خداع ...ما الحب ضاع....ولازم الوداع
كفايه كذب ..على قلب حب.....قلب خداع
كفايه بعتى ...ودلوقتى ضعتى
ومش هاسمحك حتى لورجعتى
هتكوني فى عمرى ذكرى وهأبدأحياتى بفكرة
فكرة بيها انساكى وانسى آلامك
وهأبنى احلامى ...وتنكسر احلامك
لانك بعتى الحب..وبداتى مشوارك الصعب
وخليكى فاكره ...وافتكرينى بكره ...وافتكرى كلامى
لان قدامك آلامى
أنتى عارفها ...ولسه فاكرها....وانا مش هأنساها
آلامى اللى صنعتيها...وأحلامى اللى هدمتيها
طعنتى بالسكين قلب حافظ عليكى سنين
خدتى منه الفرحه...ووعدتيه بزفه وطرحه
وكان نصيبه الجرح..ونسيانه للفرح
بأيدك مش بأيد غيرك ما انتى من الاول بعتى ضميرك
واستولى الحقد على تفكيرك
بعتى اللى حبك وحماكى سنين...
اشتريتى اللى باعك وخانك سنين..
يمكن تشوفى حلمك بيتحقق.....
لكن.............
كل دى مش احلام ...دى مجرد اوهام ....صنعتيها من خيالك
علشان تهربى من الضياع .....ومن خوفك ان قلبك ضاع
بس لازم تبقى فاكره ...وتخافى من حساب بكرة
الايام مش هتنسانى .....لاني لسه فى مكانى .........انسان رغم احزانى
حميتك من نفسك مع انك بعتينى
قدمت لك حلمك مع انك حرقتينى
كان جزائى الحرق.....بس فيه فرق
قلبى مش زى قلبك ....حبى مش زى حبك
قلبى صان ....وقلبك خان
خان بكلمة بنيتى بها اوهام..وتصورتى انها احلام
بس هتمر الايام
وافتكــــــــــــــــــرى
حلمك اوهام....لانك بعتى الاحلام
فكرتى انك كسبتى...فكرتى انك بنيتى السعادة
فين السعادة ...ده مجرد يأس بس لسه فيه زيادة
مش بأبكى على حبك لانك ماتستاهليش
مش بأبكى على حبك لانك ما ندمتيش
مش بأبكى على حبك لان من غيرك هقدر اعيش
يمكن قولت لى انك فى يوم ندمتى
يمكن قولتى انك فى يوم خسرتى
شوفت دموعك .....وما فرحتش
لانك اتأخرتى.....وكانت دموعك لانك ادمرتى
بس لانك لعنتى قلبى وحرقتى بأقولك
كـــفـــايـــــــــــــــــــــــــــــــــة