مبتحبوش بعض يبقى متتجوزوش

السلام عليكم ورحمة الله وبركاته

سؤال جه فى بالى وحبيت اعرف ارائكم

ايه رايكم فى الواحد او الواحده الى بيتجوزو حد مش عايزينو

انا عن نفسى شايفها انها اكبر غلطه ممكن الواحد يرتكبها فى حق نفسو وفى حق ناس ملهومش ذنب فى حاجه

ليه الواحد قبل ما يتجوز ميدققش فى اختيار شريك حياتو ويبقى متاكد ان ده الحد الى هو هيرتاح معاه وهيقدر يتفاهم معاه
ليه يختار غلط ويرجع يتعب نفسو ويتعب حد ملهوش ذنب فى حاجه معاه

ليه تقتحم حياه واحده بانك تتقدم لها وتتجوزها وتعيشها معاك على الحلوه والمره وترجع تقولها اسف اصل مش انتى الى انا كنت بتمناكى

او توافقى تتجوزى واحد وانتى مش مقتنعه بيه وبعد الجواز تعامليه اسوا معامله

ليه نخلى مشاعر الناس لعبه فى ايدينا

ليه وليه وليه وليه اسئله كتير ممكن تفتح مجال للنقاش فى قضيه بقت سائده دلوقتى فى مجتمعنا

مستنيه ارائكم ونقاشكم

طبعا احلي حاجه الجواز عن حب

بيحلي دنيتنا وبيدى لانفسناه روح تخلينا ممكن نقدر نسامح حبيبنا لو غلط فينا

وبيحلي الايام ويهون الصعب

وبردو منقدرش نقول ان الجواز بتاع الصالونات مش حلو ممكن يحبو بعض مع العشرة

ده نصيب وكله باايد ربنا

تحياتى لموضوعك ومناقشتك
ليــــــــــــــــــــــتالي

سؤال مهم اوى اوى اوى اوى بتاع الزواج عن حب اكيد الزواج عن حب عمره اطول

وانا رائيى من راى ليالى

بس موضوعك جامد عاشقه تسلم الايادى

تحياتى لكى

أمير بلا مملكه