عاشقه الجرح
عضو ابتداء
عدد المساهمات : 1350
نقاط : 30428
تاريخ التسجيل : 23/11/2009
العمر : 34
الموقع : في قلوب احبابي
 |  موضوع: موسوعة غلاسة  الأربعاء سبتمبر 15, 2010 5:09 pm | |
| موسوعة غلاسة ورخامه
ليه ابوتريكة بيلبس فانلة 22؟ عشان 21 ضيقة عليه
ليه ما بيلبسش 23 ؟ مش عارف
ايه هو الحيوان التعيس؟ القطة عشان دايما تخربش ومتكسبش
ايه الحيوان اللي دايما مشغول؟ الخرتيت .. تيت .. تيت
طب ايه الحيوان اللي بياكل ويشرب بديله؟ كل الحيوانات بتاكل وتشرب بدلها، عمرك شفت حيوان ساب ديله وراح ياكل؟
طب ايه اقدم حيوان؟ الحمار الوحشي .. عشان ابيض واسود
طب ايه هو اجدد حيوان؟ القنفد عشان بشوكه..والكنغر علشان بكيسه
طب ليه التلاجة غبية؟ عشان بتحفظ الاكل .. مبتفهموش
ماهي قمة الحيرة؟ يقال لك اجلس في ركن غرفة مستديرة
ماهو قمة الذكاء؟ ان تجد ركن للغرفة
ماهو قمة الالم؟ التزحلق على زحلاقة مغطاة بشفرات حلاقة وشظايا الزجاج
ليه الهرم فيه حتة حديد من فوق؟ عشان يتشال منها وينضفوا تحتيه
ايه الشبه بين الجورنال والشمس ؟؟ الاتنين بيطلعوا الصبح
ايه الشبه بين التفاح والكمثرى ؟؟ الاتنين مش جوافة
ايه الفرق بين الصحراء وايام الاسبوع وموس لورد ؟؟
الصحراء مفيهاش حد
ايام الاسبوع فيها حد
موس لورد فيه حدين
واحد وقع من الدور التاسع لقى إيه؟؟ لقى مصرعه
ليه الارنب مبيعديش من قدام القهوة ؟؟ بيخاف من السحلب المكار
دكتور اسنان ارتكب جريمة يسجنوه فين ؟؟ في سجنال تو
ليه نابليون كان بيقعد قدام التلاجة ؟؟ عشان يطمن علي حملة فريزر
ايه هي قمة الادب ؟؟ انك تخبط على التلاجة قبل متفتحها
ايه هي قمة الصبر ؟؟ انك تستنى حد يفتحلك
ايه هي قمة الدهشة ؟؟ حد يفتحلك فعلا
إيه وجه الشبه بين الحلاق وجورباتشوف ؟ الإتنين بيتعاملوا مع الروس
إيه وجه الشبه بين القمر وصينية البطاطس ؟ الإتنين ميتعملوش عصير مانجو
إيه العلاقة بين الكمبيوتر والحفرة ؟ الكمبيوتر حاسب آلى
أما الحفرة حاسب لتقع
ليه الأرجنتين مش بيزرعوا تين ؟ لأنها دولة لا....تينية
إية الفرق بين الزيتون والليمون ؟؟ التانى بيتعمل لاموناته والأول ما بيتعملش زاتوناتة
واحد بيحدف زلطة على بيت ازاز والبيت محصلوش حاجة ليه؟ عشان الزلطة مجتش فيه
طب كتكوت بيعدي الشارع و فجأة مات .. ليه؟ الزلطة جت فيه
حاجه طايره فى السما وبتقول نياو ايه هى؟؟؟ قطه بيضاء مضروبه بالشلوت
طب حاجه سوده طايره فى السما وبتقول نياو ايه هى؟؟؟ غراب بيستهبل
طب حاجه بنى طايراه فى السما وما بتقولش حاجه ايه هى؟؟؟ فرده جزمة الراجل الى ضرب القطه البيضاء
طب حاجه سوده طايره فى السما وما بتقولش حاجه ايه هى؟؟؟ غراب عاقل وما بيحبش يستهبل
حاجه زرقاء طايره فى السما ايه هى؟؟؟ ذبابة لابسه بنطلون جينز
حاجه سوده وفيها خط احمر وطايره فى السما من الشرق للغرب ايه هى؟؟؟
ذبابه لابسه فستان سواريه وحاطه روج ورايحه فرح واحده صاحبتها
حاجه سوده وفيها خط احمر وطايره فى السما من الغرب للشرق ايه هى؟؟؟
نفس الذبابه نسيت حاجه فى البيت رجعت تجيبها
حاجه سودة ماشية فى الصحراء ايه هى؟؟؟ سرب نمل رايح يعزى
حاجه رفيعه وطويله ولونها ابيض ايه هى؟؟؟ فتله بيضاء
حاجه رفيعه وطويله ولونها اسود ايه هى ؟؟؟ خيال الفتله البيضاء
- ازاي نحط فيل في زجاجة ؟ نزقه فيها فجأة وهو بيشرب
ازاي نحط فيلين فى زجاجة من غير ما يلمسو بعض ؟؟ نحط بينهم فيل تالت
طب ازاي تركب 4 فيلة على بسكلته؟ فيل يسوق ويمسك الازازة
ازاى نركب اربع فيلة فى عربية فولكس ؟ اتنين ورا واتنين ادام
طب إزاي نركب 8 فيلة فى مرسيدس ؟ نبيعها ونشترى عربيتين فولكس ويبقى اتنين ورا واتنين ادام
ازاى نصطاد الفيل الاحمر؟ بالبندقية اللي بتصطاد الفيل الاحمر
ازاى نصطاد الفيل الاخضر؟ نستنى لما يستوى ونصطاده ببندقية الفيل الاحمر
ازاى نصطاد الفيل الازرق؟ نكسفه وشه يحمر ونصطاده ببندقية الفيل الاحمر
ازاي نحط فيل في الثلاجة على ثلاث مراحل؟ نفتح الثلاجة - ندخل الفيل في الثلاجة - نقفل الثلاجة
طب ازاي نحط زرافة في ثلاجة على اربع مراحل؟ نفتح الثلاجة - نخرج الفيل - ندخل الزرافة - نقفل الثلاجة
كيف نعرف ان 8 افيال موجودين داخل فندق شيراتون بدون ان تدخل الفندق؟
اذا وجدت 2 فولكس في موقف الفندق
احترقت حديقة الحيوانات فاحترقت جميع الحيوانات ماعدا الزرافة لماذا؟ لأننا وضعنا الزرافة بالثلاجة
ايه اكتر حيوان مبيعرفش يستخبى ؟ الثعبان بان بان بان بان بان
طيب ايه اكتر حيوان بيسمع اغاني اجنبي ؟ الغراب راب راب راب راب راب
طيب ايه اكتر حيوان بيسيح في الحر ؟ التم ساح ساح
سمعت نكتة الأسانسير ؟ لأ - يبقى اكيد كنت طالع على السلم
ليه مصر مش محتاجة بطاطين ؟ علشان اتصالات غطت مصر كلها
محمدين واقف فى الشمس و معاه دودة ليه؟ عشان الدكتور قال له اقف فى الشمس دقائق معدودة
| |
|
!!nefertiti!!
عضو ذهبى
عدد المساهمات : 19
نقاط : 26195
تاريخ التسجيل : 27/07/2010
| | موضوع: رد: موسوعة غلاسة الأربعاء سبتمبر 15, 2010 7:18 pm | |
| ههههههههههههههههه
تحفة الموضوع اوى
تسلم ايدك | |
|
أمير بلا مملكه
Admin
عدد المساهمات : 1597
نقاط : 30090
تاريخ التسجيل : 04/10/2009
العمر : 37
الموقع : https://moogaa.ahlamontada.net/forum.htm
| |
