انهارده لاقيت الكلام ده عجبنى اوى وضحكنى موووووووت
شوفوا العامية اللى فيه هى اللى ضحكتنى اكتر
شوفوه وقولولى ايه رايكم وطبعا
منقول لانه مش كلامى
يلا تعالوا معايا
انا عايز اتجوزك ومن ابوكي اجي واحجزك واحس معاكي براحه بال
واكون ديما معاكي واهواكي واضمك واحبك وكمان نجيب عيال
ومن كلمه تفهميني وتعرفي مالي من غير ما تسألي اي سؤال
ده انا من زمان بحلم بواحده جامده وع الفرازه وتكون نقاوه
وتكون لذيذه وع القلب عزيزه وعلي راي المثل اديها ميه تديك تراوه
وانتي معاكي بحلم بأحلي وقت نقضيه مع بعض في محبه وغلاوه
وعلشانك انا هاتغير لكن لأولادنا انا مش هاغير كوافيل ولا بيبرونات
وهابطل لغيرك ابص وبيكي هاحس وهاكرف خلاص كل البنات
انا عايز اتجوزك واحس منك بالحنان وتحسسيني بالامان وننسي الاهات
تعالي يلا ضميني ونسيني تعب سنيني وتعالي نحلق للي فات
علشان خاطرك انا مستعد أهد اي حاجه تزعلك وتدايقك
وفي حبك انا مستبد علشان انتي ليا وانا ليكي لوحدك
دي الدنيا اجمل معاكي وكفايه اني بالخير اكون شايفك
يلا اي خدمه وبجد كل كلمه تستاهليها واكيد من حقك
شوفي عايزه ايه وتتمني ايه وانا اجيبه ليكي لحد عندك
لكن ده ميمنعش انه الجواز ممكن يتحول لاحتجاز
وتبقي الحياه عباره عن فواتير ميه وكهربه وغاز
ومشفكيش غير قدام التلاجه أو واقفه جنب البوتاجاز
ويمكن حماتي تبوظ حياتي وتعمل معاكي ضدي انحياز
وفي وقت النوم تقضيها شكاوي وهموم وتبتدي تحطي في شعرك جاز
ده خلاص من اللي سمعته انا ابتديت اقلق من الموضوع واخاف من الجواز
لكن قبل ما اعملها واتوكل بغيري هسأل واستعين
بس من اولها يا ريت تبعديني عن المطبخ وعن المواعين
لانه في الحاله دي هاجيبلك حماتك تقولك بهدلتيه المسكين
ولما ابقي سايق وانا متدايقك متشتكيش من حاجه بادل ما البس بيكي في كامين
وابقي الصبح قبل ما انزل قوليلي خد بالك منك وسوق علي مهلك
وبلاش تعملي زي غيرك وتقضيها ناشف وتقوليلي يلا انت واهلك
واوعي تزليني وبفضيحتي تحسسيني وتقولي خنقتني بهدومك واكلك
و زي ما استحملك استحمليني وبلاش عناد ومتقوليش ان كان عاجبك
اديني قولتلك ونبهتك من البدايه بلاش تكوني رغايه وعيشيني في دلع
ولما اجي لابوكي البيت لو كح في وشي واتخضيت هاطلعه عليكي واعيشك في هلع
وقبل ما يسأل ان كنت بعط او مرافق انا مش هارد غير علي كلمه موافق قبل ما اتبلع
وعندي كلمه هاقولهالك حطيها حلقه في ودانك انا عايز معاكي ضمان علشان لو حد خلع
ولو ظبطيني هاشهيصك وعمري قدام حد ما هانقصك وغيرنا هايحسدنا لو عننا سمع
بدعي اني مكنش اتسرعت وما اتدبسش علشان عليكي مقفش وخلاص ربنا يستر
ولو كنتي تخفيف زنوب وتخليص حق لقلوب مكنتش ليهم انا محبوب بقول ربنا يغفر
وبقول يا رب صبرني وقويني وبليز متطلعيش عيني وبتمني سكتنا يبقي فيها اخضر
ايه رايكم بجد
موضوع: عايز اتجوزك!!!! 
الإثنين أغسطس 30, 2010 2:10 pm
