لية كل دة

موضوع: لية كل دة الإثنين أغسطس 02, 2010 3:26 pm

من غييييييير رغى كتيييييييير وصداع

ولانى مش عارفه اتكلم عن اى مشكلة

مشكلة الشباب اللى مش لاقى شغل
وكل حاجه بتغلى ماعدا المرتبات
ولا عن مشكلة البنات اللى مش عارفين يتجوزوا وممكن جوازه تقف على مبلغ فى ناس بتنزل تشترى بيه جزمه تلبسها مره ولا فستان ع الموضه ولا ينزلوا يصرفوه فى بار
ومع كل ده دايما اهل البنت بيشوفوا انهم لازم ما يدوش بنتهم لحد بسهوله علشان اللى بييجى بسهوله بيروح بسهولهوبينسوا ان قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره

وبيتعاملوا مع اللى هايخد بنتهم بمنطق
لازم نطلع عينه علشان ما يسيبهاش بالساهل
وكأن ده السبب اللى هايخليه يحبها ويتمسك بيها
وبعدين ولنفرض ان اهلها كاتبين عليه مؤخر كبييييييييير مثلا علشان ما يسيبهاش بسهوله ويفكر قبل مره قبل ما يزعلها
طيب ماهو ممكن يعيش معاها وهو مش طايقها وبكده عمرها ما هاتحس بالسعاده
ده كفايه احساسه طول الوقت ان اهلها ضاغطين عليه
ده هايخلي فى شرخ بينهم
وممكن يتجوز عليها وممكن الف حاجه
ومع ذلك انا مش باقول للاهل يرموا بناتهم بس خير الامور الوسط ولا تشدوا اوى ولا ترخوا اوى
وبالنسبه للبنات:عمر السعاده ما كانت بالاثاث ولا بالشقه الكبيره او بالمهر الكبييير او الشبكه الغاليه
السعاده اللى بجد هاتلاقيها لما تلاقى الانسان اللى يحبك وتحبيه بجد وتقدرى تعيشى وانتى حاسه معاه بالامان العمر كله
وللشباب:ما تتعاملش مع البنت اللى بتوافق على الجواز منك بتكاليف قليله على انه فيها عيب علشان كده وافقت ولا تتعامل معاه بمنطق اللى ييجى بسهوله يروح بسهوله
واعرف انها امانه معاك ومن الرجوله انك طالما اخترتها زوجه ليك يبقى لازم تعيشها معززه مكرمه زى ما كانت فى بيت اهلها واكتر ولازم دايما نفتكر ازاى الرسول صلى الله عليه وسلم كان بيعامل زوجاته معامله راقيه وكان بيكرمهن رضى الله عنهن
انا عامله الموضوع ده علشان نناقش اكتر من حاجه
1- مين السبب فى مشكلة العنوسه؟الاهل اللى بيزودوا فى التكاليف ولا البنات اللى بتبقى عايزه تأمن مستقبلها علشان زى ما بنقول^الدنيا مالهاش امان^والجمله دى بتتقال كتيييير دلوقتى
وعلى راي المثل ^يا مآمنه للرجال يا مآننه للميه فى الغربال^
ههههههههههههه
انا حاسه ان الشباب اللى فى المنتدى هايفجروا التوبيك وانا فيه
2- هل البنت اللى بتضغط على الشاب علشا تأمن مستقبلها غلطانه؟
3- وهل البنت اللى بتخفف من على الانسان اللى هاترتبط بيه بترخص فى نظره
4- هل من الصح اللى الاهل بيعملوه؟
انا حابه اسمع مناقشتكم واعرف ارائكم