كيف ننسى من كان حبيبنا فى يوم من الايام؟؟؟؟؟

الكلام هنا عن الحب الحقيقى
عن حبيب مهما طال فراقه لسه بنحس بحبه
عن حبيب رغم قساوته مش قادرين ننساه
او عن حبيب فارقناه غصب عننا بسبب ظروف الحياه زى الاهل او المكان الخ.....
عن لحظات ضعف بتيجى عليك ومتقدر تقاومها
نفسك تشوفه من تانى قدامك اونفسك تسمع صوته
او عن احساس كنت بتحس بيه معاه ونفسك تحسه تانى
هنتكلم عن ازاى ننسى الحب اللى كان

فى بعض الطرق اللى ممكن تنسى بيها حبيبك
هنتكلم عن مميزات كل طريقه وعيوبها

الطريقه الاولى النسيان عن طريق حب تانى

كتير منا بيلجأ للطريقه دى
وهو انو يداوى جرحه عن طريق واحد تانى
يحاول معاه يحس نفس الاحساس اللى كان بيحسه مع الشخص اللى جرحه

مميزاتها:
انك تلاقى انسان تانى تحاول تداوى بيه جرحك
تلاقى فيه مميزات الحبيب الاول او اللى كان متهيالك انها فيه اصلا
وانه ميكونش فيه عيوبه اللى ادت لنهايه العلاقه
وتحاول تعيش معاه الحياه اللى كنت راسمها فى حبك الاول

عيوبها:
غالبا ما بيكون وهم ناتج عن احتياجك للحب
لان اللى بيعيش قى دفء الحب صعب اوى يعيش من غيره
الحب يعتبر اجمل شعور ممكن تحس بيه فى حياتك
ولما بتفارق بتفقد الشعور ده
فغصب عنك بتحاول تحس بيه تانى
وممكن ينتج عن الطريقه دى انك تظلم واحد تانى
وبعد ما كنت مجروح هتبقى جارح
وساعتها هيزيد عندك الشعور بالالم

الطريقه التانيه:النسيان عن طريق جو الصحبه

وهنا بتحاول تقضى معظم وقتك مع الناس اللى حواليك
اصحابك جيرانك اسرتك قرايبك الخ....
علشان متفكرش فى اللى كان حبيبك

مميزاتها:
طول ما انت مع الناس هتحاول تتكلم معاهم على طول
وهتحاول تشغل كل وقتك معاهم بالكلام بالهزار
علشان متفكرش فى حبيبك
وفعلا طول ما انت مشغول مش هتفكر فى حبيبك
وكل ما ييجى على بالك تخترع حوار تتكلم فيه مع الناس

عيوبها:
كل ده جميل
بس لما ييجى عليك الليل
او متلاقيش حد تتكلم معاه علشان كلهم مشغولين مثلا
ساعتها غصب عنك هتفكر فيه
الطريقه دى متعتبرش حل جذرى اد ما هى هروب مؤقت من المشكله
ولازم هترجعلها تانى

الطريقه التالته: انك تفتكرله اخطاء ارتكبها فى حقك

مميزاتها:
فى حاله لو كان جرحك الطريقه دى هتكون سهله بالنسبالك
يعنى مثلا تفتكر كام مره كدب عليك
او كام مره خانك
او عيوبه بمعنى ادق
ساعتها هيتغير شعورك اتجاهه
وهتحمد ربنا انه كشفهولك على حقيقته
او على انك طلعت من الموضوع ده سليم

عيوبها:
ان الحب الحقيقى مبيتحولش الى كره
وساعات كتير بنفضل نحب رغم كل العيوب اللى بنشوفها فى اللى بنحبه
وحاجه من تلاته
لاما كل ما تفتكر عيب فيه
هتلاقى ذكرى سعيده كانت ما بينكم جت فى خيالك
او هتفتكر كلمه بحبك اللى فى يوم قالهالك
او موقف طلع فيه جدع معاك
او او او ..........
لاما
فعلا مش هتفتكرله غير كل قسوه او خيانه
وساعتها هيبقى عذابك فى الجرح اللى سببهولك
او كل ما تفتكر حاجه ليه وحشه عملها معاك هتتعذب اكتر.

او لاما
يكون السبب فى فراقكم هو الظروف
الاهل او الظرف الماديه او الاجتماعيه الخ.....
وساعتها مش هتلاقى حاجه وحشه تفتكرهاله
لان كان هو ده فعلا الانسان اللى تقدر تكمل معاه حياتك
وهو ده الانسان اللى فعلا يستاهل حبك

الموضوع لسه مفتوح
ممكن تقولوا رايكم فى الكلام اللى انا قولتو
او ممكن تضيفو طرق تانيه نقدر ننسى بيها الحبيب اللى كان
او عن تجربه مريت بيها وقدرت تنساها
مستنى ارائكم

موضوع جميل جدااااا

مشكوررررررا ليالي حبيبتي ع تواجدك بالموضوع تورتي
مشكورا نفرتيتي واهلا بيكي معانا يجميلة

تسلم ايدك ياعاشقه
موضوع اكتر من راااااااااااااااااااائع

نورت الموضوع امير بلا مملكة تسلم يجميل

بجد موضوع جامد جدا

وحلو جداجدا

اكيد عشان منك ياقمر

تسلم الايادى

تسلمي دموع القلب نورتي يجميل ووحشتني كتير حمدلله ع السلامة يقمر ويارب ماتغيبي عننا تاني

» الايام تمضي
» عندما تفرقنا الايام