لانه طيب

لأنه طيّب
سكن قريّب
م الجرح دايما
عشان يطيّب
والجرح آلمه
لكنّه عالمه
دايس شوارعه
حافظ معالمه
يُخش جرحك
يشد فرحك
يطلع لـ برة
يطرح شفايف
ترمي ابتسامةلقلب خايف
فــ يبقى شايف
الدنيا وردي .....
سكر مدوّب

***
لأنه طيّب
شايل همومه
جوّة فــ هدومه
و يقضي يومه
مسكين و ساكن
فــ نفسه لكن
بيحس دايما
الدنيا مركب
بتعوم لــ عومه
و ترسىلمّا بإشارة يطلب

****
لأنه طيّب
ما كانش عارف
بإنه سابح
فـ بحر جارف
بيداوي غيره
وجرحه نازف
ولا حد جاله عشان يطبّب

***
لأنه طيّب
وتد لسانه
رابط كلامه
شكواه لــ جوفه
وكل خوفه
عنيه تبيّن
فــ راح مغمض
و عنده هين
إنه يغمض
والغيريشوفوا السعادة حتى
لو هوه يتعب

****
لأنه طيّب
فـ برضه لسة...فارد جناحه
و لا همه منهم ...... سابوه و راحوا
لأن راحته لمّا استراحوا
و الراحة ليهم لروحه مطلب

****
لأنه طيب
ما كانش عارف
بإن طيبته على المشارف
و إنه أعمى
ع الحرف واقف
فـــ راح مفتح
و فــ لحظة قرر
إنه يغيّب

لأنه طيب


لأنه طيب