السلام عليكم و رحمة الله و بركاته
ازيكم يا شباب
اخباركم ايه
موضوعى انهارده بطرحه على احلى شباب وبنات
-__________________-
موضوع
جامد و شديد
وهو
البجاحه
و نبدا فى الكلام
هناك بعض الصفات
و التى تجعل من الانسان
اغبى مخلوق على وجه الارض
و سوف اتكلم اليوم عن واحدة من تلك الصفات
اراها قد انتشرت بشكل غير عادى
الا و هى
البجاحة
اينعم
البجاحة
البجاحة فى ان الانسان يغلط
و مش عايز يعترف بغلطه
و فوق كده يتهم الاخرين بانهم هما اللى غلطانين
او ان الانسان يغلط
و لما يعاقب على غلطه
يزعل اوى و يحس انه مظلوم
مع انه فى الحقيقة يستحق اكثر من العقاب
للاسف البجاحة بقت منتشرة اوى
و فى حاجات كتير
و منها
بجاحة مسئول حكومى
كوبة و اقرع و بكرش
و طالع يقول اننا بنعيش مرفهين
بجاحة شخص مسئول اخر
بيقول ان فى استفتاء للشعب
70 % من الشعب راضى عن الاداء الحكومى
( طبعا اكيد شعب مستورد )
طبعا دى حاجات بسيطة
و متوقعة من اهل البجاحة
انما اللى بينقط بجد
ما هو آآآآآت
______
سواق ميكروباص او تاكسى ماشى مخالف
او كسر اشارة
او عمل اى نصيبة من نصايبهم المعتادة
و لما ياخد المخالفة
تلاقيه يسب و يشتم فى المرور و الحكومة و الدنيا كلها
و لو انت جازفت بحياتك و فهمته
انه غلط و انه فعلا يستحق المخالفة
تلاقيه بيقولك ما هو كله كده
و هنا بيثبت فعلا انه كائن غبى
واحد موظف فى مصلحة حكومية
فقد ماء وجهه
يعنى مبقاش عنده دم
يطلب الرشوة عينى عينك عشان يقضيلك مصلحتك
و الا
هنئيا لك بطابور الانتظار الطويل
و مش عاجبك
عض فى الارض
شاب مدخن بيقتل نفسه بالبطىء
و لما يجيله مرض قاتل
تلاقيه زعلان و بيلعن حظه العسر
انه تعب
ازاى يمرض هو مع ان كل الناس بتشرب
ايه الحظ ده
بائع مخدرات يتقتل على يد مدمن
و الناس تهاجم المدمن
فى حين ان البائع هو اللى اخد الطريق الغلط
بس ازاى
ده راجل بيشق طريقه
حتى لو على حساب الاخرين
واحدة مشيها بطال سلوكا او مظهرا
تعرضت لاعتداء باى صورة
تلاقيها بقمة البجاحة
زعلانة من اللى حصلها
فى حين انها هى اللى اختارت الطريق ده
طبعا الامثلة لا تعد و لا تحصى
بس احنا ممكن نقسم البجاحة لفرعين
1 فرع بيعمل الغلط و بجح فى كونه مش عايز يتعاقب
زى اى شخص بيسلك طريق غلط
و متوقع ان النتيجة تبقى كويسة
و ده يمكن علاجه
بالدواء العقلى و النفسى و الجسدى
2 و الفرع التانى هو الفرع صاحب الشعارات
و صاحب التصريحات المزيفة
و ده لا يمكن علاجه الا بالاستصال من البلد
و القاؤه فى اى مقلب زبالة
و اخيرا
لازم الانسان يتحمل نتيجة غلطه
و مش يرمى اللوم على حد تانى غير نفسه
و الا يكون فعلا كائن غبى
و فى قمة
البجاحة
و شكرا
.................
منقول
موضوع: الـــــبـــجاحــــة !!! 
الإثنين نوفمبر 30, 2009 3:03 pm
