مش في بالك

موضوع: مش في بالك الأحد نوفمبر 22, 2009 8:10 pm

مهما بعمل مش ف بالك حبى ليكى
مهما يبكى القلب مش بصعب عليكى
يعنى أموت نفسى ولا اعملك ايـــه
أصلى بحلم من زمان المس ايديكى
بس نفسى تبطلى القسوة اللى فيكى
أصل حبى بقسوتك بتموتيـــه
هو يعنى الحب ذنبى؟
نفسى اقولك ألف حاجة
توصف الاحساس ف قلبى
بس كل ما اقول هقولك
بنسى وأتلخبط و أخبى
عارفة قلبى بجد خايف
لو ف مرة هتوعدينى
تزرعى بايديكى
ضحكة للشفايف
وتسيبيلى دموع ف عينى
ايوة خايف تحلفيلى تعيشى ليا
و ف ثوانى تودعينى
بس مهما خفت منك
حبى ليكى لسه فيا
لسه بسأل قلبى عنك
وانتى ولا حسيتى بيا
وانتى بس اللى ف ايديكى فرحتى
وانتى بس اللى ف ايديكى دمعتى
وانتى اغلى حاجة ليا
بس نفسى بجد اعرف
قلبى عندك يبقى ايه؟
وانتى بس اللى ف ايديكى تقررى
يا تخلى قلبى يعيش بطل
يا تخلى قلبى يموت ضحية...

» نسيتنى ولا على بالك