يارخامه الشباب!!!!!!!!!!!!!

و معاكسة .. بطلو معاكسة .. بطلو معاكسة

واحنا ياعم لا بنعاكس ؛ ولا نعرف المعاكسة دى شكلها ايه خااااااااالص ( واسعة شوية دى )

لكن البت من دول مظبطة من بدرى يامعلم .. وعارفة ازاى تظبطلك احلى حوار

قااااابل يامعلم البنت من دول بتظبطك ازاى ..........

1- ماشي سيادتك في الكلية في أمان الله وفيه بنت جاية بسرعة الصاروخ في الاتجاه المعاكس ولما تقرب منك تعمل مش واخده بالها وكل اللي في ايدها ينزل على الأرض , تعمل انت الشاب الجدع وتحاول تساعدها ونبدأ القصة بميرسي وبعدين هوه انت معانا في الكلية؟ ومشفتكش قبل كده لغاية رقم تليفونك كام

2.بتشتري حاجة من سوبر ماركت وشلة بنات واقفين وأول ماتيجي ماشي واحدة تيجي بمنتهى الذوق وتقولك لو سمحت هى علبة البسكويت اللى فى ايدك دى بكام.
هو حد قال لسيادتك انى كاشيير.

3- ماشى عندك دور برد جامد وانتا معدى على شلة بنات تقوم روحك خايناك وتعطس تقوم واحده منهم مسحوبه من لسانها
يرحمكم الله
هو يعنى ايمان سيادتك مظهرش غير دلوقت.

4- قاعد فى الكافتريا وبتقول لصاحبك هات منديل
بسرعة البرق تلاقي واحده مرشوقه جنبك وبتسبل اتفضل
يا خواتى عالرقه

5- كنت نازل حوالى 11الصبح بخلص شوية ورق ولابس بالطو وكوفيه
لسه صاحى بقه وبردان شويه

ونزلت لقيت طبعا الجو نار ,وماشى فى امان الله لقيت شلة بنات مقبلاك وعمالين يتلمزوا ,واول مقربت قامت واحده قايله للتانيه وهى بتبصلك الجو حر مش كده
قامت التانيه ردت وهى بتبصلك لا دا الجو عسل

عسل !!!

يظهر أن أنا كنت بتعاكس يا جدعاااااااان