الطبيعى
بعد اى فراق بيحصل
ان بيبقى فى جرح ودموع وبكى
وصدمه قوية جدا
وبيبقى الانسان حاسس انه عايز ينعزل عن العالم
وفى احيان اخرى
بعد الفراق
بتحس انك مش عايز اصلا تفتكر الانسان اللى كنت بتحبه ده
وبتحاول تشغل نفسك بأى حاجه علشان متفكرش فيه
مش علشان ماكنتش بتحبه
بس لانه محافظش عليك لاخر دقيقة
وكان سهل عنده يوم ماقولتله
ابعد عنى
طب ازاى ممكن فعلا تبقى فارقت حبيبك
ومن جواك خلاص مش قادر تسمعه
لانك مبقيتش حاسس بيه
او بمعنى اصح
مبقيتش عايز تحس بيه ولو لحظه
وانت واثق كويس اوووى انه بيتعذب الف عذاب علشانك
--------
طب انت / ى عمرك حسيت انك مش طايق حبيبك
وصلت لدرجة انك خلاص مش عايزو؟
طب نفترض انه فعلا انت ياللى بتقرا كلامى
حصلك الفراق ده
ياترى انت متأكد انه هيرجعلك تانى؟
طب ليه؟
ضعف منه ولا علشان بيحبك؟
طب وياترى بتفكر لما يرجع ممكن يقولك ايه؟
طب وانت موقفك ايه بقى من جواك
هل فعلا هترجع وتسامحه؟
ولا انت لسه مش حاسس انك عايزو؟
حاسس انه باعك بالساهل وميستاهلكش اصلا
فـ بالتالى مش عايز تديله فرصه انه يبص فى عنيك
سهل اوى الكلام عندنا
بس الصعب فى المواجهه اللى بعد الفراق
وخصوصا لما تفتكر كل الذكريات اللى كانت مابينك وبين اللى بتحبه
وانت قدامه
وهـو بيحاول بأقصى الطرق انه يرجعلك
وانت اللى مش راضى
لان كل شئ يهون فى الدنيا
الا الكـــرامة
موضوع: بعد الفراق 
الثلاثاء أغسطس 03, 2010 1:28 pm