خالد محمد سعيد

خالد محمد سعيد
شاب مصري في ال28 من عمره
شاب عادي وبسيط زيه زي اغلب المصريين .. شاب في حاله ومش بتاع سياسه ولا هو معارض ولا حتى حزب وطني ،، شاب ماشي جنب الحيط بالأصح

في يوم خالد كان نازل سايبر النت اللي قصاد بيتهم في منطقة سيدي جابر – محافظة الاسكندريه
ويادوبك دخل السايبر ودخل وراه اتنين مخبرين كتفوه من ورا ونزلوا ضرب فيه وتخبيط في دماغه .. راح صاحب السايبر افتكرهم جايين يقبضوا عليه لأي سبب فخرجهم من السايبر ،، راحوا ساحبين خالد لمدخل العماره اللي قصاد السايبر ولأكتر من 20 دقيقه نزلوا ضرب فيه بالشلاليت والأقلام لغاية لما اغمى عليه .. وبعدين واحد فيهم مسك دماغ خالد ونزل رزع فيها في سلام العماره الرخام والدرابزين لغاية لما اتهشمت تماما

وراحوا شايلين خالد – زي الدبيحه – ولا حول ولا قوة الا بالله وراحوا رموه في البوكس وطلعوا بيه على قسم الشرطه وسط ذهول ورعب من المواطنين اللي شافوا الجريمه البشعه دي وماقدروش ينجدوه حتى ..

وبعد ما يقرب من 8 لـ 10 دقايق رجع البوكس ورموا جثة خالد في مدخل العماره ..
جات عربية اسعاف ماحدش يعرف مين اللي جابها وأمُر المسعفين بكتابة تقرير ان خالد مات مختنقا نتيجه ابتلاعه للفافتين حشيش وقفوا في قصبته الهوائيه ..

وجاء رجالات مباحث قسم شرطة سيدي بشر الى المنطقه ليس من أجل التحقيق وانما من اجل ممارسة كل انواع الضغط والارهاب على شهود الواقعه وأهل المنطقه لثنيهم عن الشهاده على الواقعه ..

وظل الاعتقاد السائد لفتره ليست بالقصيره أن سبب ماحدث لخالد انه اعترض على تفتيشه بشكل مهين
حتى بدأت تتكشف الحقيقه ..

في حوار بين د / أيمن نور ووالدة القتيل اخبرته انها تعتقد ان سبب مقتل ابنها انه حصل على فيديو يوضع ويثبت على رجال مباحث قسم شرطة سيدي جابر تجارة المخدرات .. وانها تشك في كونهم قاموا بقتله لاخفاء هذا الدليل الذي كان ينوي به فضحهم وفضح انشطتهم المشبوهه ..

لينك الفيديو المصور داخل قسم الشرطه يظهر بوضوح غرفة معاون مباحث قسم شرطة سيدي جابر ، وحوله عدد من المخبرين و امناء الشرطة النظاميين ، والضابط يضع أمامه كمية 80 كيلو حشيش وكميات من البانجو ، والأموال السائلة

.. الضابط يسأل عن مخبره السري "عوض" وهو الذي سبق ونشرنا من اللحظة الاولي عن مشاركته هو ومحمود الفلاح في إغتيال خالد !! ويقول الضابط كلاماًَ يفيد أنه إنتهي تواً من ضبط هذه الكمية الكبيرة من المخدرات والأموال !! لكنه بدلاً من تحريزها ووزنها ، واحالتها للنيابة هي والأموال المظبوطة حدث الآتي

.. يُظهر الفيلم الضابط وهو يعد الأموال المظبوطة بحوزة المتهمين ، ثم يشير بيده ليعد عدد الموجودين بالغرفة من رجاله ، ويعد نفسه معهم - ايضاً - في محاولة لتحديد نصيب كل فرد من فريقه في الأموال !! في تقسيم واضح للأموال المظبوطة بدلاً من تسليمها للنيابة ضمن حرز القضية !!

.. في مشهد آخر بذات الفيلم الفضيحة يظهر أحد المخبرين وهو يقتطع قطعة من المخدرات ويقول للضابط : " مبروك عليك يا باشا " !! ثم ضحك المخبر وهو ينصرف قائلاً : " سلام عليكم بقه " والضابط يرد عليه قائلاً : " استني خدلك واحده "!





https://www.facebook.com/home.php?#!/khaledkilled

طبعا مفيش حاجة بادينا غير انحنا نقول يارب غير ان في احتجاج ومظاهرات على بلطجة الحكومة ومن قتل يقتل ولو بعد حين
وحصل كده لخالد وقبلو عم عبد المنعم ف مدينة نصر تقريبا ياترى مين عليه الدور ممكن انت هتسكت؟؟
في جروبات ع الفيس كتير باسم خالد وياريت تشوفو صورته قبل ما يضرب وبعد ماضرب
كان ممكن خالد يكون انت او ابنك او اخوك او صاحبك
ليه ياحكومة عملتي كده؟؟ ذنب والدته واهلو ايه وهو اصلا ذنبو ايه لكل ده
حسب الله ونعم الوكيل
مصر والمصريون ميتون الي ان يتم الاقتصاص ممن قتلوه
ونهاردة في مظاهرة ف اسكندرية على الكورنيش
ياترى هل ممكن احتجاج الشعب يعمل حاجة ولا هيروح نهاردة ضحايا زي خالد!! ماحنا بئينا عايشين مع ربطية وبلطجية !!